ხაშმის საფერავი

ღვინო მუქი ლალისფერია, ხანგრძლივი და ინტენსიური ცრემლით. არომატში კარგად აქვს გამოხატული საფერავისთვის დამახასიათებელი შავი ქლიავის ჩირის, მაყვლის, ბროწეულისა და შავი მოცხარის კარგად შერწყმული ტონები. გემოში სრულსხეულიანი და დაბალანსებულია, სასიამოვნო მჟავიანობითა და ხანგრძლივად გამყოლი ხავერდოვანი ტანინებით, რასაც თან სდევს სასიამოვნო წითელი წიწაკისა და ალუბლის ლიქიორის პიკანტური ნაზავი.

ღვინო კარგად შეეხამება წითელ ღვინოში მომზადებულ საქონლის ლოყებს, ნაკვერჩხაზე შემწვარ ღორის მწვადს, კურდღლის ჩაშუშულს პომიდვრითა და ბადრიჯნით, ასევე, საქონლის ხორცის ტარტარს.