მუკუზანი

ღვინო მუქი ლალისფერია, შესანიშნავი მოიასამნისფრო ელფერითა და ინტენსიური ცრემლიანობით. არომატში მკვეთრი და კომპლექსურია, სადაც პირველ ეტაპზე კარგად იკვეთება შავი კენკრის, მწიფე მაყვალის და შავი მოცხარის ტონები, რასაც განვითარებაში კარგად ერწყმის სველი მიწის, ხავსის და ხის მერქნის არომატები. გემოვნურად ღვინო სრულსხეულიანია, ხალისიანი მკვეთრი მჟავიანობით და მწიფე, ხავერდოვანი ტანინების სტრუქტურით, რასაც დაბოლოებაში ახლავს საკმაოდ წვნიანი და ხილიანი შეგრძნება, კომპლექსური, მწიფე ალუბლის, ნიგვზისა და შავი პილპილის ნაზავით.

ღვინო კარგად შეეხამება გრილზე მომზადებულ სტეიკს შინდის სოუსით, დავარგებულ ძეხვს შავი პილპილით, ჩანახს, რუკოლას პროშუტოთი და პარმეზანით, ხამონს და ცხვრის ყველს შავი ტრუფელით.