პეტნატი მწვანე

ღვინო ღია ჩალისფერი შეფერილობის არის, ინტენსიური სიცქრიალით და ხანგრძლივი კრემოვანი მუსით. არომატში გამოკვეთილი და საკმაოდ ხილიანია, სადაც კარგად იგრძნობა გრეიფრუტის, მწვანე ვაშლის, ანანასის და მასთან დელიკატურად შერწყმული მწვანე ფოთლების არომატი. ღვინო მსუბუქსხეულიანი და ცინცხალია, მკვეთრი, მაღალი მჟავიანობით და ჰარმონიული გემოს შეგრძნებით, სადაც კარგად მეორდება ციტრუსოვანი ხასიათი, ლიმონის და ლაიმის ტონები, რაც შემდგომ კარგად ვითარდება მწიფე მსხლის და მინერალების არომატებად, რომელიც დიდხანს გვრჩება გემოში.

ღვინო კარგად შეეხამება აზიურ სამზარეულოს, ორაგულის როლებს, ღვინოში მომზადებულ მიდიებს და გრილზე შემწვარ კალმარს.